Laman

Jumat, 25 Januari 2013

Lontara Ana' Lolo (Bicaranna Ana' LoloE)



Lontara Ana' Lolo
(Oleh : Hm Amin Said Patangkai)



“ BICARANNA ANA’ LOLO’E”
ﺑﺴﻢ ا Ϳ اﻟﺮ ﺣﻤﻦ اﻟﺮ ﺣﯿﻢ اﻟﺤﻤﺪ ﷲ رب اﻟﻌﺎﻟﻤﯿﻦ

Sininna pappoji’e napunna’I maneng puang Allah Ta’alah, puang sininna alang’nge, puang jellokeng’ngi lao igau patuju’e mapparenggerang lao rigau pasala’e.

Usabbi majeppu degaga puang risompa tongeng-tongeng sangadinna puang Allah Ta’alah,
usabbi toi majeppu NabiMuhammad Saw suro mateppena Allah Ta’alah, namakkamase lao risurona, enreng’nge sahabanna kotopa laing’nge atanna mateppe’e, wa’ba duhu…………… Iyanna passaleng bicaranna ana lolo’e riwettuna maelo massu pole ribabuana Indona:

Makkedai Puang Allah Ta’alah, oh Jibrilu surui ana lolo’e massu!
MakkedaiJibrilu oh ana lolo assuku nalorekko Allah Ta’alah massu!
Makkedai ana lolo’e de umaelo massu narekko tekka wesseng’ngi assuren’nge?
Makkedai puang Allah Ta’alah ; assuku ana lolo walakko sifa!
Makkedai ana lolo’e; kega sifa maelo talakka puang?
Makkedai Puang Allah Ta’alah ;
  1. Sifa engka’ku upanjajiko Tubuh
  2. Sifa Warekku upanjajiko Ati
  3. Sifa Arajakku upanjaji Nyawa
  4. Sifa Tuoku upanjajiko Rahasia
Makkedai Ana lolo’e ; de maolo massureng’ngi narekko iyamiro bawang.
Makkedai Allah Ta’alah; magai muteyya massureng’ngi ana lolo
Makkedai Ana lol’e; iyaro uteyya sabana upahang’ngi anu riparappemi, iyyatu ada anu riparappe tommoi.
Makkedasi Allah Ta’alah; Assuno walekko Tajang!!!
Makkedai Ana Lolo’e; Tajang aga maelo tawarekka puang?
Makkedai Allah Ta’alah: Narekko engka tajang massu pole riposimu mabbatang kaluku siteru langi pitu susung’nge tanah pitu lapi’e, mitani alemu mappake mapute rilalenna tajang’nge mappake maccabulo, makudara mangollini lisena tajang’nge iyyanaritu…!!
Makkedai Ana lolo’e; de umaelo assureng’ngi nasaba nawinru billisi.
Makkedai Allah Ta’alah; Magai muaseng’ngi nawinru billisi?
Makkedai Ana lolo’e; dua nawinru billisi iyyanaritu ripuada’e nenniya naita mata kassara, dua rupato de nullei winru billisi iyyanaritu dena ripau nenniya de narita’e.
Makkedaisi Allah Ta’alah ; tongeng’ngi adam’mu ana lolo, assuno warekkosi tajang!!!
Makkedai Ana lolo’e; Tajang aga maelo tawerekka Puang?
Makkedai Puang Allah Ta’alah; Narekko engka tajang mapute, malotong, makudara, aja sana muajjeriwisangadinna engkapi pada-padam’mu, narekko nabbokorino accena iyyano!!!
Makkedai Ana Lolo’e; de umaelo wajjeriwi
Makkedai Puang Allah Ta’alah; maagi muteyya muwacceri ana lolo?
Makkedai Ana Lolo’e; narekko makketu adatta puang, ajanna usappiki iyyapa pada-padak’ku ripanjajisitangga-tangga saba pada-padakku muto.
Makkedani Allah a’alah; tongessi adammu ana lolo, assuno waressiko tajang!!!
Makkedai Ana Lolo’e; tajang agasi maelo tawerekka puang?
Makkedai Puang Allah Ta’alah; Narekko engka tajang massu pole rialinromu eppa mette tongen makkeda ;

ُﺑﱡﺪْوُح ~ُﻗﱡﺪوَسُ◌ ~ُﺳﱡﺒﻮَحُ◌ ~َﺑِﺪْﯾَﻊُ◌
Iyyanatu massulong lao riIyya !

Makkeda Ana Lolo’e; de umaelo massureng’ngi nasaba dena wedding engka tajang pole ri alinroku eppa mette tongeng narekko degaga apolengenna Makkedai Allah Ta’alah; Taroi upidakko apolengenna
  • Seddi pole riIyya
  • Seddi pole ri Nabi’e
  • Seddi pole riMalaeka’e
  • Seddi pole ri Tau’e
Makkdasi Ana Lolo’e; deppa umaelo massureng’ngi nasaba Iyya mappau muitaka, Idi Puang mappau de witaki, narekko de witaki deto wisseng’ngi maccueriki.
Makkedani Puang Allah Ta’alah; Tongeng’ngi adammu ana Lolo, assuno warekk sadda!!! 
Makkedai Ana Lolo’e; Sadda aga maelo tawerekka Puang?
Makkedai Puang Allah Ta’alah; - narekko engka sadda makkeda (A) isseng’ngi Puang’mu
  • narekko engka sadda makkeda ( I ) isseng’ngi Alemu
  • narekko engka sadda makkeda (U) isseng’ngi Nabi’mu
Makkedai Ana Lolo’e; de umaelo meassureng’ngi narekko saddami
Makkedai Allah Ta’alah; Magai muteyya massureng’ngi ana lolo?
Makkeda Ana Lolo’e; iyaro uteyya massureng’ngi nasaba saddami , talani matu saddat’ta magana iyya.
Makkedasi Allah Ta’alah; tongettu adm’mu ana lolo, assuno warekko Syariat, Tarekat, Hakikat, sibawa Ma’rifat
Makkedai ana Lolo’e; iyya tega Syariat, tarekat, hakikat na ma’rifat maelo tawerekka Puang?
Makkedani Puang Allah Ta’alah; - Naiyya Syariat’ e Tubum’mu
  • Naiyya Tarekat’e Atim’mu
  • Naiyya Hakikat’e Nyawamu
  • Naiyya Ma’rifat’e Rahasiamu
Makkedai Ana Lolo’e; de umaelo massureng’ngi narekko iyamiro eppe passeleng nasaba wisse toni apolengenna
Makkedai Puang Allah Ta’alah; tega apolengenna Ana Lolo
Makkedai Ana Lolo’e; - Naiyya Syariat’e pole ri Tana’e
  • Naiyya Tareka’t’e pole ri uwwae
  • Naiyya Hakikat’e pole ri Anging’nge
  • Naiyya Ma’rifat’e pole ri Api’e
Iyyanaro uteyya massureng’ngi ko iyaniro eppe’e.
Makkedani Puang Allah Ta’alah; toneng adammu ana lolo, pusana ritu adammu.
Makkedai Ana Lolo’e; tarona Puang mappa-pau narekko rapeni akkaletta siturui, narekko tessi toroki ancuruka paimeng.
Makkedani Puang Allah Ta’alah; Nareko siturukisituruni.
Makkedani paimeng Ana Lolo’e; Maelo muka massu pada-padapi.
Makkedani Puang Allah Ta’alah; magai maelo mewaka pada-pada.
Makkedai Ana Lolo’e; narekko pada-padani dena gaga Puang dettona gaga Ata, deto gaga pasessa detona gaga torisessa, narekko musessaka aleta tosessa.
Makkedani Puang Allah Ta’alah; Madecenni naekiyya ma’janjiki…
Makkedai Ana lolo’e Pekkogai bateta ma’janji Puang?
Makkedani Puang Allah Ta’alah :

“ NAREKKO MASSUKO SAPPAKA, ISSET’TOI AREWEKENNA TUBU’MU RI AMMEMENGENNA, NAREKKO MULOLONGEN’NA UNOKO, NAREK’KO UNOKO UTOK’KO-KO, NAREK’KO UTOK’K-KO ALEKO UTOK’KONGE’KO, NAREK’KO TO’ MULOLONGE’NGA MASSARAN’NITU REWEK’KOTU RI EPPA’E RUPAN’NA RI TANA’E,RI UWWAI’E,RI ANGING’NG, RI API’E MANCAJI OLOKOLO NOTU KO MATEKO”.

Makkedai Ana Lolo’e; deppa maelo massureng’ngi deppa uwitaki lahereng. Laherenni Puang Allah Ta’alah sitettongeng Ana Lolo’e’.
Makkedani Puang Allah Ta’alah;
Itana muassu mallahereng uwallinrungiko, narekko mulolonge’ka iko tosi mallinrung riIyya,Iyya tosi mallahereng, pada-pada nitu, naekiya Ata’e atamato’I, Iyyae Puang’nge Puang Mato’i.  
Engka topa ada makkeda’e : Makkuani alarapanna وﻋﻠﻢ و

Tidak ada komentar: